Tilong A Mawngtu Tel Lo In Kum Tampi Rili Cung Ah Aa Mawng Mi Muithla Tilong…

SS Baychimo tiah min an pek mi thil phortu Tilong ngan pi cu a luan ciami kum tampi lio in khan atu tiang rili cung ah ai mawng len ko tiah theih a si. Cu Tilong pi cu ti lei kap thiamsang nih Muithla Tilong tiah an auh. Sweden ram ah kum 1914 lio ah an rak ser mi a si i, a ngeitu cu Hudson’s Bay company an si. Tilong nih vawikhat ah thilri Ton 1322 tiang a phorh khawh i, a sau lei cu pe 330 a si.

Atu tiang ah Tilong a mawngtu pakhat hmanh i tel lo te in, rili cung ah cun a kal cuahmah ko. Tilong pi cu tilum thazang hmang in a kal mi Tilongpi a si i kum 1931 lio hin Alaska rili kam he ai hlat tuk lo nak ti-khal lak ah rak tang mi cu an va hmuh. Cuti tikhal ah an tan lio cun Tilong mawngtu pawl zawng cu Helicopter in an va chanhchuah khoh hna i, mi tlawmte a hngaktu ding ah chiah in rak kal tak hna. Cu Tilong hngaktu pawl cu Tilong he Mile khat(1) ai hlat nak hmun ah, thlam an i sak i cu ah cun an um hna.

Cu hna nih cun TThalcaan a phak tik ah tikhal pawl cu an ti dih te lai i, Tilong zawng cu mawngh khoh a si ve te ko lai, tiin an rak i ruah. Asi nain vanchiat ah khua can that lam panh um lo in apeh cun ai peh thluahmah i, khua caan thlen um lo in Thalcaan zong ah cu ka hmun ah cun vur an tla. Cuti caan an hngah cuah mah lio pi ah cun, Tilong pi zawng cu aum nak hmun ah cun rak um ti lo cun a rak tlua. Tilong Captain Sydney Cornwell le a phu pawl nih Tilong pi cu an va kawl hna i miles 49 hlat nak hmun ah va hmuh than i, Tilong pi cu tuan deuh an rak um nak hmun ah cun an mawngh tthan cuti cun an zoh ko.

Caan rau hlan lo ah an Tilong pi cu a tlau tthan i, an kawl than tik ah cun a hmuh zawng an hmuh khoh ti lo caah lung dong ngai in an um i, Tilong pi zawng cu kawl ti loh cun an rak ngawl tak. Kum zeimawzat chung a tlau i, an rak hmuh khoh ti lo mi cu kum 1969 ah, Alaska rili kam ah cun an hmuh than. Cu ka hmun an va hmuh than lio zong ah cun Tikhal thiam thiam nih a phih khar than.

Cu dih ah cun a tlau tthan i kum 1981 ah a hmun tthan tu an rak um. Asi nain Tilong pi hi khua zei dah ava phak ti i, a hnu zulh dawi awk zawng cu thil harsa ngai khi asi. Tuni caan tiang ah hin Tilongpi cu rili chung ah a pil rih lai lo i, Rili cung ah a vuan len ko lai tiin an zumh. Cheukhat Ngatlai pawl nih cun captain tel lo in cu Tilong pi cu rili cung ah kal cak ngai in ai mawng ko tiah an chim.

Source: News on Air.

Be the first to comment

Leave a Reply

Your email address will not be published.


*