Tikhal Ti (Ice-water) Dinnak Phen Ah Ai Thupmi Kut Nakpi…

Tikhal ti cu a tu bantuk thal caan ah a lum tuk ruang ah panhpai duh in din cu calories a kanghter. A si nain tikhal ti tamtuk din cu na caah a tha loh. Zei tluk hmanh in khati lum ko hmanh sehlaw tikhal ti din cu na ca ah a thami a si loh.

Ti lum nih hin na thlan kua cu a awn ter I na taksa cu a miltlor ter lai I an hliphlau ter lai. Tikhal tit u nih cun na thlan chuahnak kua cu a phi lai I na takvun cu a rengh ter lai. Cucu zei a poinak a um maw?

Tikhal ti din ruang ah kan chunglei ruiantuannak cu a hrawh, Rawlei tiding caah ah tikhalti ding lo dingin an khammi ca na rel bal ko lai. A sinain minung cu kan lung a khong tuk I kan din peng rih ko. Raw lei lio ah tikhal ti din hi chung lei pawpi riantuannak cu harnak a pek I a tha lomi thau cu a thah khawh ti lo caah duhsah tein an I funkhawm.

Cu tik ah mah le mah harsatnak I peknak cu a chuak. Raw lei tlawm ko nain weight a tum hlei lomi buainak cu a chuahter. Tikhal ti hi minung I kan Laa that lonak a chuah ter. Laa nih hin kan takpum chgung I temperature ning in rian a tuan.

A ngan a dammi laa cu takpuym chung ah thilthalo a chuahnak hnga lo dohtu ba si. Cu leng ah tikhal ti cu taklinhnak a rungvengtu cu a hrawh. Cu ruang ah tikhal ti ruah lo piin na din ah cun na tak hna a lint awn lai.

A hlei in a lum tuklio khua caan hna ah tikhal ti cu na ding hrim lai lo, poison bak a si. Ruah lo piin thluak thahri cahnak hna a chuahter I thihnak tiang a phak ter. Tikhal ti cu ngandamnak a dangdang zong harsatnak a pek.

A hlei in ngakchia cu tikhal tin a dinh lo ah a tha. Cucu tang phih zawtnak a chuah ter. Cu leng ah tikhgal ti din I lufah cu minung 100 chung ah 7.6% an um tiah theih a si. Cu ruang ah tikhal ti cu luhrapcheufah nak he ai pehtlai.

Tikhal ti cu khuacaan a lum lio ah na din a si ah cun na hrom a fak lai, im nuam loin na um lai. Cu ruang ah chikhat ca I panh hlau duh ruang ah na ngandamnak cu thlen I tim hrim hlah. Chikkhat ca maw na ruah lai caan saupi ca dah na ruah lai.

 

Source: Daily Health

Be the first to comment

Leave a Reply

Your email address will not be published.


*