Sri Lanka Ram Catholic Biakinn Ah Bomb An Puah Ruang Ah An Ram President Nih Ramdang Bawmhnak A Hal Hna…

Thawhthan ni ah Sri Lanka I Biakinn le hotels ah bomb an puah ruang ah minung tamtuk nunnak a liam le hliamtuar zong an tamtuk hnu, cawn nikhatni ah bom dang a puak than.

Cu lawng si lo in bom puahnak 87 bak an hmuh chap tiah thawngzamh nih a langhter. Bom a puak thanmi hi cawn nikhatni ah a si I, Kochchikade pengkulh, Colombo biakinn ah a si.

Kha thahnawnnak a tuahtu hna kha a tu hi an kawl cuahmah hna lio asi, tuni ah bom puahnak an charmi pawl hi bom hmedeuh pawl puahnak ding an si. Tuni ah an hmuhmi bom puahnak hi mawtaw dinhnak hmunpi ah an si hna.

Tuchun ah bom a puakmi hi Biakinn pawng ah a si I mawtaw chung ah asi, bom hi phelh an timh ah a puak. Tu chun ah cun bom lei thiamsang pawl nih nizaan I mitampi thah an sinak hmun pawngkam deuh hi kawlhawlnak an tuah.

Bom a puah hi bomlei thiamsang pawl nih phelh an timh lio ah asi tiah Reuters nih a langhter. Mawtaw chung bom phelh an timh lio ah hin cu pawngkam ah mizeihmanh umlo ding in thawl dih an si tiah palik lei biachimtu nih a chim.

Hi mawtaw hi thawhthanni I St Anthony biakinn I bom puahnak ah an hmanmi kha si dawh asi tiah an zumh. Tuni bom a puah ah hin mipi cu an lau kho tuk tiah mithhmutu pakhat nih a chim.

A tu ahcun ralkap le palik cu biaceihzung nawlpeknak um lo zong ah lunghrinhmi tlaihnak nawl an pek cang hna. Hi thil cangmi kong ah Sri Lanka president nih ramdang bawmhnak zong a hal cang.

 

Ref: HTT

Be the first to comment

Leave a Reply

Your email address will not be published.


*