Phihkhamnak Antuah  Ko Nain American Ah A Thli In Voksa Million Pound In An Luhter

Kum 2018 kum donghlei in khan ai thok I Tuluk ram ah a chuakmi Africa Swine fever Flu xawtnak cu I runvennak caah Nitlaklei ram tampi nih Tuluk in a lutmi Vok pawl cu phihkharnak an tuah. 2019 kum a vaun phan I Asia ram tampi nih tuluk leiin voksa a lutmi paohpaoh cu phihkharnak an tuah ve.

2018 kum August thla in khan Tuluk ram ah African Swine fever flu virus cu an rak hmuh cang. Virus an hmuh mi zat hi khua 28 ah virus a hmuhzat hi  112 zat a si I minung sin zong ah ichonh a fawi tukmi zawtnak pakhat a si.

American ram New jersey Pyine ah Elizabeth tax office nih voksa an ram ah luhter lo ding in phihkhamnak cu an tuah I thlithupin  voksa an phurhnak Container 50 cu an hmuh. A ngeitu cu hlathlainak an tuah lio a si I vanthatnak ah khuachung ahan zuarmanh rihlo caah container area chung ah an tleihmanh caah a si.

Voksa cu thildang he an cawhpolh I an phurhmi a si tik ah tha tein check lo ah cun a leng ah an zuar mah hnga. A tu hnu in cun container pawl check tik ah Police nih an zuatmi Uico in checknak cu an tuah cang lai.

Vawlei cung I voksa man hi Africa swine fever flu virus ruang ah fak tukin vokman cu a tla I Amwrican ah vok a zuami nih 10 million dollar man tluk paoh cu an sung tiin US agriculture  department chimmi in theih a si.

Cu virus nih cun Vok cu nihnih chung ah a thither khawh hna I minung tu cu zawtnak rungrul a ngeimi voksa ei lawng ah tihnung le I chonh kahwh cu a si.  Cu zawtnak in an zawt sual ah cun

.42 degree celcius nak tamin na tak a lin lai.

.Rawl ei na duh lai loh.

.Na takvun ah ( a hleiin na hnakhaw le na hmur ah) a sen tete in bo an chuak lai.

.Na khuh lai, na thawchuah a har lai.

.na luak lai, na chung nih an tlik lai ( achel caan ah na ek ah thi ai tel lai)

.Naupawi si ah cun nau rawhnak tiang in a chuak kho.

Voksa lawng ah si loin vok in sermi  atalung, atapia, atachoh pawl cu America ah luhter lo dingin nawl an chuah.

Source: Daily Mail

Be the first to comment

Leave a Reply

Your email address will not be published.


*