Lai Thuam he Lai Nungak Muidawh Tampi Hmanthlak

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. A tanglei hmanthlak pawl hi zoh law Lai thuam le lai thil hi zeitluk in dah aa dawh ti fiang tein na theih khawh lai. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Lai Thuam he Lai Nungak Muidawh Tampi Hmanthlak. An i dawh khawh ning. Lai thuam he an i rem tak tak.

Note: A karlak ah capar rel awk ka van chiah pah lai.

MINO CAAH LAIMI NUPI KAWLNING THEIHTLEI

Laimi kan pipu hna nih nupi-pasal an rak i kawlning hi zoh tikah an rak fim ngaingai. Ca taang khat hmanh cawng ttung loin zeitindah hi tluk in an fim khawh hnga ti hi ruah lo awk a ttha lo. Tuchun ni ah an tefa hna cu ca kan thiam, fimnak phunphun kan cawng kan ti nain kan tluklonak hna tampi a um. Caparsang kan cawn bu in kan Lai nunphung a sunlawinak muru tete hi thei chih kho usih law zeitluk in dah kan fim chinchin hnga.

Nupi phun:

Laimi nih nupi phun li tiang ngeih khawh a rak si. Cu hna cu nuhrim, nutak, nuchun, nuthai ti an si. Nuhrim cu pa nih a tthit hmasabik mi nupi kha a si. Pa nih a duh ahcun nutak zongah a laak thai khawh. Nutak timi cu nupi taktak ca dingah chaw phuntling he tthit mi nupi a si. Nuchun cu tthit laak lomi innlak nupi sawhsawh a si. Nuchun fa nih ro co khawh a si lo. Nuchun cu a va inn tang zongah um a ngah lo, inn dangah amah tein umter a si.

A vapa nih a lang in a zohkhenh i a duh tik caan poh ah a va lenkai. Cun, nuthai timi cu nutak a thih hnu ah a va nih a tthit tthanmi nupi a si. Nupi pakhat lawng a ngeimi caah cun a nupi a thih hnu i a tthit tthan mi kha nuthai ti khawh a si ve. Hi bantuk in nupi phun li ngeih khawh a si ko nain mizapi tu nih cun pakhat te lawng an ngeih tthiam ko. Bawi le mi ngan deuh lawng nih nupi cu pakhat nak tam an ngeih.

Nupi ngiatning tahfung:

 Hlan chan ahcun tuchan bantuk in duh poh in nupi fir, zaam ti bantuk hi a rak um lo. I com (sex tuah) hmasa, fa i pawih hmasa ti zong a rak um lo tluk a si. I fanh belte cu a rak um ve. Nain, a bengbai ngainte. Loh theih lo thil nih a nam hna tik lawngah a rak um ttheu mi a si. Cu bantuk in an i fanh tik zongah phunglam ning tein rak i fanh a si.

Cucaah, fapale nih nupi tthit an cutzat tikah a nupi ding cu nu le pa le, chungkhat nih ciammam tein ngiatthlai le tuaktan piak a si. An duhmi nu cu a phun an zoh, a thawhkehnak an hlat, a ziaza an ngiat. Cu vialte an zoh cikcek hnu lawngah an lung a tlin ahcun nupi caah hal a si. Hi bantuk in nupi an ngiat lio caan ah an zoh bikmi thil pawl hna cu a tanglei hna hi an si.

Hnam ngei:  Nupi an kawl tikah ngaknu i a chungkhar sahlawh rualchan vialte cu an ngiat hna i hnam ngei an um ahcun an ngol colh. Hnam ngeimi cu mi tuah an hmang tiah rak zumh a rak si caah mi thiang lo ah ruah an si. Cu bantuk mithiang lo phun he thisen i cawhmeh ding cu aho nupa hmanh nih an rak duh lo. Tuchunni tu ah cun krihfa chan a si cang i cu bantuk zumhnak cu a um ti lo, a tlau dih cang. Lunglawmh awk a si. Hlan chan ah cun hnam cu an zumh bantuk in um zong a rak um ve taktak ko. Mi an paw an fahtermi, an molhmehter mi ti bantuk hi cattialtu keimah zong nih tamnawn ka hmuh bal ve hna.

Lakfa:  Lakfa timi cu pa pakhat nih tthit ttung loin ngaknu sinah a hrinmi fa kha a si. Cu bantuk in hrinmi fa cu a pa nih phunglam ning in a tlanh lo a si ahcun zatlang mipi nih a fa ah cohlan piak a si lo. Cu tikah a pa phun zong hrawmter khawh a si lo, cu bantuk hngakchia cu pule phun tu an hrawmter tawn hna. Nain, a pa nih a fa kha phungning tein a tlanh ahcun zatlang nih amah fa ah cohlan piak a si. A phun zong a hrawmter khawh. Cuticun, zatlang phung nih pumpak cio kha control a rak tuah hna. Mah duh poh in um a ngah lo. Nupi an kawl tikah lakfa an hrial nak cu, nu cawnpiaknak a chambau lai, pa cawnpiaknak a chum lai ti an ruah caah a si. Cun, keimah ve aa timi chungkhar nih cun chungkhar reprai lo chungin a chuakmi fa tthit cu an i nautat ca zongah a si.

Mi thinghmui:  Laimi kan pipu hna nih hin thinghmui zawtnak (leprosy) cu i chawnh khawhmi ah an ruah caah an rak ttih ngaingai. Thinghmui a ngeimi cu mi thiang lo ah ruah an rak si. Zatlang nun ah faak piin an rak thleidan hna. An tthutdirnak, an hmanmi thilri ti bantuk tiang in a thiang lo ah ruah a rak si. A zawtnak a zualhma deuh cangmi lebang cu an thih hlan in khua leeng ah thlankhur an cawh piak hna i cu thlankhur kua cungah cun innte an sak i cuticun rawl an chanh tawn hna. An thih le cangka thlankhur cung cun a hei thlak colh hna. Zawtnak ngei ah lunghrinh sawhsawh mi tu cu khua chungah ttha tein an um ve ko. Nupi pasal an kawl tikah cu bantuk minung hna cikawr cu an hrial. An dam ko hmanh ah a thiang lo chungkhar thisen in hrinmi ah ruah an si caah mi nih tthit laak awk ah an duh hna lo.

Kut zo hmang:  Kut zo ti cu fir tinak a si. Laimi hi dinnak a tlaihchan taktak mi miphun kan rak si. A dik loning in ramri i en, mi thil va fir ti bantuk hi kan nunphung nih a rak cohlang kho bak lo. Zatlang mipi lakah cu bantuk ziaza ttha lo a ngeimi an um ahcun mi nih nautat ngaiin hmuh an rak si. An techin fapar chan tiang in zoh chuk an si. Cucaah, nupi pasal an kawl tikah kut zo a hmang balmi chungkhar an si maw ti cu an hlathlai nak a si. Cu bantuk in ziaza ttha lo a ngei balmi chungkhar he thisen pehltaihter ding cu ahohmanh nih an duh lo. Cucaah, fir le tlei i puh cu kan Laiphung ah a case a ngan taktak mi zong a rak si.

Mi hmursau:  Laimi nunphung ah cun nu cu pangpar bantuk in zohthla mi le dawt cicek mi an si. An nu sinak kha upat hmaizahnak piak ngaingai an si. Cu lio ah, nu nih a ken awk hnga a si mi ziaza, hoiher, cawlcangh le hmurka a ngei maw ngei hlah ti zong zatlang mipi nih ngiatthlai ngai an rak si. Cu caah a si lai, “A mui in zoh hlah, a aan in ngai” tiah kan pipu hna nih phung an rak thluk phah nak zong khi. Cuticun kan Lai pipu hna khuaruahning le lungput cu a rak si caah nu si ttung i hmursau zekzuk in a ummi le a hoklek tukmi pawl cu nupi caah an duh hna lo. Hmursau ti cu holh tam tinak a si. Nupi caah mah bantuk hmursau mi kan tthit ahcun kan ning a kan zahter sual lai, innchungkhar bia zong leeng ah a chuahpi sual lai ti an rak phang.

Capar Tialtu: Van Thawng Cung (Lai Forum)

Rockville, Maryland, USA

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Lai thuam cu lai nu ta bak a si ko. An i rem kho tak tak. 

Lai Thuam hi a rak idawh kho tuk. Lai thil hi lainu ta bak a si ti hi fiang tein theih khawh a si. Lai Thuam hi laimi lawng siloin vawleicung miphun dang dang zong nih an rak uar tukmi le dawh an ti tukmi thuam a si. Cucaah kan Lai thil thuam hi upat pe u si law, Lai nungak tampi zong nih biatak tein thanchoter hna u sih. 

Photo Credit : Chin Dress and Fashion

Be the first to comment

Leave a Reply

Your email address will not be published.


*