Karen Pyine Zuaikapin Tlang Meikang Cu Ciamhlei A Panh Cang, Til Sining Cu Meithat Pawl Nih An Cuanh Ko

Karen pyine nih an I ngeihmi Zuaikapin tlang cu april ni 25  zanlei sang in mei kangh hram ai thok I thl ni 26 zing suimilam 1 tluk ah ciamh hram ai thok. Meithat pawl nih a sining cu an cuanh ko.

Khuati a lumsattuk ruang ah thingkung hna an car hna I fak tukin mei a kanghnak cu a si I nikum zong ah thalcaan a phak ah cun a tu bantuk hin a tu le tu mei a kang tawn nain atu mei a kangh ning hi cu a faktuk lawmmam I thinphang dirhmun ah dir a si tiin tlang pawngkam I a ummi khuami pawl nih an chim mi cu theih a si.

Zaanleisang suimilam 4 le a cheu tluk ah Zuaikapin tlang I nichuahlei kap Khalohnu khua nichuahlei kap hmun 3 in ramlak mei cu kanghhram ai thok I zaan suimilam 9 tluk ah cun Zuaikapin tlang nitlaklei kap Tawpung khua lei kap ah a tleih.

Cu tiin a kanghnak hmun cu april ni 26 zingka suimilam 1 tluk ah cun mei tha a van zor cuahmah ruang ah Hpa-An myoma meithatthazang 20 tluk le meithat motor, khuachung in mi bawmchantu phu hna le a dang mi bawmchantu  le khuami pawl he tiin hmunkhat te ah mei kangh ning cu an cuan ti hna tiin theih a si.

Tu I zuaikapin tlang tang ah an cinmi Rubber dum pawl, dum hau pawl a kanghnak hnga lo le Zuaikapin tlang I pura inn pawl hna lei kap ah meikang a kalnak hnga lo anzoh lio pi a si ko tiin Hpa-An hrambunh mi bawmchantu phu hmuika in theih a si.

Source: Akongtih

A tang i capar hi rel chap>>>>>>>>>>

Be the first to comment

Leave a Reply

Your email address will not be published.


*