Ka Rian Kaidin Ngamlo, Zei Ruangah Tiahcun Kai Khonmi Phaisa A Umlo, A Thatuk Hringhran Rak Rel Ve

Rian kai din ngam loh, zeiruang ah tiahcun kai khonmi phaisa a um rih lo, katha a ba tiin ka chim ngam loh. Zeiruang ah ti ahcun ka tuahtuan cuahmahmi rian a dih rih lo ruang ah a si.

Ka tha a thu ngamlo, zeiruang ahdah tiahcun keimah nakin cungcuang a simi hmanh an I zuam cuahmah liopi a si. Kei cu kai thim dingmi lam hi a tampi a um. A sinain kaithiamcangmi lam cu zeitikhmanh ah ka kaltak ti loh.

A ho zasi hna hmanh sehlaw ka konglam ka tlamtlin lonak an chim len hmanh ah a caan a phak tik ah cun chim hau loin an I fiang te ko lai. Lungchung ah ichiah a hau loh. A ho cung hmanh ah leiba ka ngeih lo kha a biapimi cu a si.

Lungthin daitein ai chia khomi ka sinak hnga kai zuam lai. Minung nunnak hi a kailei a um bantukin a tumchuklei zong a um ve. Mi kong va ceihlen kha a hau loh. Kan nun ah kan tonmi paoh hi kan caah fim chimtu an si I cucu kan tei paoh ah cun mi vantha kan si.

Vawlei cung ah zeibantuk rian paoh hi thabatlo,a harlo timi a um loh. A buai lomi chungkhar le pawngkam timi zonghi a um loh.

Kei nih kai thimmi lam cu Zuamnak, Ihneknak,Ipanh-hlaunak timi lam a si ko. A hohmanh hi ka hnah an chuak loh. Hi ka dirhmuntiang pha kho dingin zeitluk indah chuntilo, zan tiloin rian ka tuan  timi hi keimah le keimah kai halt awn.

A ho paoh nih zalonnak timi cu an duh dih cio lai. Rian tuan loin a ummi, inn chungtang ah thuin ei lawng a ruatmi hmanh khi va hal hna. An nih zong khi an mah le an harsatnak cu tampi a um ve lai.

Thilri,ngeihchiah, mah nih ngeihmi rian le kan takpum zeizong tehi man ngei tein ka hman lai. Cu ruang ah a ho hmanh hi ka nahchuah hna loh. Minung kan nunnak cu caan tawite lawng a si ko. Zei hmanh hi zuamcawh a hau loh. Keimah nih zei tluk indah thatnak ka tuah, pekchanhnak ka tuah cang timi hi mah tein I check ding a si.

Mi zakip hi an mah bantuk,kan mah bantuk, ai lomi lawng te. Cu ruang ah pakhat le pakhat lung sautein I daw hna u sih. U le nau bantuk in I chawnbiua hna u sih. Pakhat le pakhat mithmai panh tein I chawn hna u sih.  Cu ti a si ah cun vawleipi hi a nuam ko lai.

Source:The life

 

Be the first to comment

Leave a Reply

Your email address will not be published.


*