Israel Ralkap Nih An Ram Chung Ah Ramdangmi Hlathlaitu Minung Pahnih An Tleih Hna

Israel ralkap pawl nih Israel ram chungah a thli in a raklut mi Palestine ram mi minung pahnih hna cu Namte he bak an rak tleih hna tiah an chim. Palestine ram mi minung pahnih hna hi Gaza Strip ah khuasa mi an si i Hamas ralhrang pawl hna he Israel le Gaza ramri ah buainak a tuahtu hna lak ah a tel ve mi an si tiah an chim.

 

Cun April 3 ah khan ningcanglo in Israel le Gaza ramri khamnak a pah chih i Israel ram a rak lut mi hna Palestine ram mi minung pathum hna cu Israel security forces ralkap hna nih an rak kah hna ruangah Israel cozah nih an mah ram chung sizung ah a zohkhenh cuahmah fawn hna tiah an chim.

Cun Israel cozah nih cun mizei miphun an si hmanh ah ningcanglo in ramri a pah mi le Israel ram a rak lam mi hna cu an cungah vel nei lo bak in rak kah hna dingah a security forces ralkap pawl cu nawl a pek cang hna tiah an chim fawn.

 

Israel Defense Force nih a chim ningah cun mah hna pahnih Israel ram chungah a rak luh nak cu Israel cozah le a ralkap hna cawlcangh ning dothlattu ah Hamas nih a thlah mi hna an si tiah an chim.

April ni 1khat in 22 tiangah Israel ram rian tuanning le Israel security forces sining dothlattu ah Hamas nih Israel ram chungah a rak luhter mi hna hi an dihlak in minung 12 an si cang i cu minung 12 hna cu an dih lak in Palestine ram mi bak an si tiah an chim.

Source: The Times Of Israel

 

Be the first to comment

Leave a Reply

Your email address will not be published.


*