Iranian Nu Pakhat Khrihfa Ah A Luh Ruangah A Pasal Thinhung Tuk I A Thahbeh…

Iranian pa UK ah ralzaam sinak a rak hal mi pa nih a nupi cu namte in voi 50 a sawh i a thih ruangah UK biaceihzung nih nunchugn thongthlak ding in bia an ceih piak cang.

Hi pa hi Dana Abdullah asi I a nupi hi Avan Najmadiein asi fa patli an ngei. Abdullah hi UK nih 2013 ah khan an ram ah an rak kuat cangmi asi. hi lio ah an rak kuathannak hi kum 13 nu a tlaihhrem ruang ah a rak si.

Tutan ah a nupi a thahnak hi a nupi cu Khrihfa ah a lut I tipil a in ruang ah a thahnak hi asi. A nupi nih Khrihfa biaknak ah lut in tipil a in mi hi pasal le upat lo ah a ruah.

“Nangmah hi nan nuncan a that lo ruangah nan ram ah kan rak I kuat cang, asi nain kan ram ah hin phungning loin na rak lutthan I hibantuk fihnung sualnak hi na tuah.

Na tuahserhnak zoh tik ah na nupi nan thahnak hi a hlankan in timhciami na neih ruang ah asi. Kum 8 tang asi mi na fale 4 nih zeitluk in dah an tuah lai ti zong na theih ko,” tiah biaceihbawi,, Michael Chambers nih a sawh chih.

Abdullah nih a nupi a thahnak  a ruang hi a nupi Khrihfa I a luh ruang le ralzaam sinak a halthannak ah a nupi nih a duhning a zulh piak lo ruang ah asi tiah an chim.

A nupi a thah hnu ah hin mizeihmanh nih an theih khawh lo nak ding ah a ruak hi coka mei in khangh a timh, cu hnu ah Liverpool, Engkand ah zaam te ai tim.  A si nain a duhning in thil asi khawh lo ruang ah a mah tein palik sin ah ai pe than.

Ref: HTT

Be the first to comment

Leave a Reply

Your email address will not be published.


*