India Ram Kutdok A Rum Bikmi Hi Zeitlukin Dah An Rum Rak Zoh Hmanh

Vawleicung ah hin India ram hi dah kutdok  an tam cem la ti ah ka ruah. Kutdok  an um cemnak cu metro stations, tlanglawng stations, sizung, biakinn (Anmah Temples) cinemas le hmun dangdang ah hmuh awk an tam ngai.Micheu khat nih cun an rawltam le an ti hal lai ruah ah an neih chun te phaisa an pek tawn hna.

A taktak ah cun phaisa a petu pawlnak in kutdok pawl hi a letin an rak rum deuh hna. Kan fale sianginn tha ah kan chiah la ti hmanh kan ruah khawh lo lio ah an nih kutdok kan ti mi hna pawl nih cun an fale caah an duhnak sianginn paoh ah an rak kaiter hna in sianginn thabik cu an rak i thim khawh.Zeitlukin dah India kutdok pawl an rum timi hi rak zoh ve.

  1. Bharat Jain

Bharat Jain hi kum 49 a si i a chungkhar he a khuasa mi an si. India ram kutdok ah a rum cem a si. a mah lawng bak nih Parel region ah apartments pahnih Rs.70 Lakh man veve ai neih hna. Thlachiar in Rs. 75,000 hrawng a hmuh. A chungkhar le nih kutdawh hi ngol law pawcawmnak dang kan in tuah piak lai an ti i a duh loh.

  1. Krishna Kumar Gite

Krishna kut a dawhnak hmun cu Charni Road pawng CP Tank, Mumbai ah a si. nikhat ah Rs. 1500 hrawng hi a hmuh peng. Nallasopara ah inn flat pakhat ai neih i a unau pa sinah a um mi asi. Krishna nih hin phaisa hi a hlawh i asinain a unau pa nih a phaisa cu a tawlrel piak.

  1. Sambhaji Kale

Sambhaji Kale hi an chungkhar minung pa 4 kutdok an si i a nih hi Khar region Mumbai khua chung deuh ah kut a dok. Nichiar Rs. 1000 hrawng a hmuh peng. Kale nih hin Virar ah inn flat khat ai neih i a dang inn pahnih le hmun lian pi Solapur City of Maharashtra ah ai neih hna. Cu lawng hlah a bank ah phaisa ting tampi ai chiah pinah investments caah phaisa tong tampi a chiah rih.

  1. Sarvatia Devi

India ram ah cun kutdok ah a minthang taktak ve mi Patna khua Sarvatia Devi cu hawidang kutdok inn le lo an neih lo lio ah Patna, Ashok Cinema hnu lei teah inn tha taktak mi ai neih. Cun kum chiar tein Rs.36000 hi insurance caah a chiah peng.

  1. Massu

Massu hi Malana Khan ti zongah auh asi. Zing a thawh in Au-to rickshaw ai lak i kut a dawh tawnnak hmun a phak in a kutdawhnak thliri aihruk i Sml. 8 chung kut a dawh hnu ah a thil ai thleng than i a rickshaw in inn ah a lawi tawn. Massu nih hin Rs. 30 lakh a neih pinah Andheri West ah Inn flat pakhat ai neih rih.

Source: Mumbai times

Be the first to comment

Leave a Reply

Your email address will not be published.


*