A Thurhnawmmi Movies Zoh Le Tthitumhnak Tuah Hlan Ah Hmunkhat I Um Tti Nak Nih A Chuah Pimi Thilthalo…

Tuni ah kan biakmi kan Pathian nih seino nungak tlawngval pawl cu biaruah a kan duh. Thinlung kutka kaupiin hung hna u sihlaw a chimmi cu ngai han u sih. A tu chan ah cun online movie pawl, movie pawl cu mam fawi taktak inle zei bantuk paoh hi fawizang tein zoh khawh a ngahmi caan ah kan phan cang.

Hihi cu Sehtan kan ralpa nih a kan hlenthawinak lawng te an si. Tuchan kan fa le tam deuh hi cu apiaka an zoh I ningzah awk, a tha maw tha lo, sual a simaw silo ti zong an ruat ti loh. A sinain zumtu mino pawl cu a man a fak tukmi Pathian fanu fapa nan ti hna.

Hi apiaka zoh ruang ah hin lungthin kha a thurter lawng siloin chunglei thlarau zong kha Sehtan I mit timi tlala awngka in a rak lut lai. Nan inn ah, nan umnak ah apiaka na zoh tik ah a tha lomi thlarauthur kha nangmah nih na sawm I na lomh a si. Na lungthin a zor lai, na nun ah thatnak a tlawm lai.

Cu hna pawl cu nangmah nih thlarau thur khan a sawm dih hnu ah a cang hnga dingmi thil a si. Cu leng ah tthitumhnak tuah hlan ah ai duhmi sile cangka in hmunkhat ah umti hna hi thluachuah hmuh lonak a si. Nangmah ruang ah na nunnak, na chungkhar, nangmah he ai pehtlaimi paohpaoh thluachuah a phih dih lai.

Minung hi manngei ah a kan chiahtuk I tthitumhnak zong hi minung cung ah a kan ser piak, Adam le Eve lio te in khan tefa tampi in va hring hna uh tiin thluachuaknak a pek I hmunkhat ah a um ter hna. Tthitumhnak tuah hlan ah pakhatpkhat cung ah thinphan ruang ah a ka duh ti sual lai loh, ka tlangval hi a mah duhnak ka zulh lai nati ah cun khua na ruah than a hau.

Cuti nan um lawng ah an duh a si ah cun nangmah cu an duhlo tinak a si ko. Na takpum kha a duh ruang ah a si. Fianghlang tein chim ah cun hor diriamhnak ca lawng ah a si. Pa pawl zong nih ka tthit hnga dingmi he pei kan umti a si ko cu zeidah a poi tiin ruah a sit awn.

Zei bantuk hmanh in va sikohmanh sehlaw hihi a dik lomi nupa sualnak tuah a si. Tthitumhnak tuah hlan ah hmunkhat kan umti lai nan tia si ah cun thluachuahnak nah hmu lai loh. Cu leng ah cheukhat nu pawl nih lungtling tein an in soilem sual a si zong ah an mi cawmnak cu hnol ko hna uh.

Pathianfa nansi caah Pathian nih man ngei tein umter kha an duh. Zumlotu pawl nih cun an duh ah tuahko hna seh, zumtu a fanu a fapa nih cun tuah loin hrial ding a si ko. Man ngei tein nun I a tha lomi movie zoh, tthitumhnak tuah hlan ah hmunkhat ah umtti nak hna inhin a chirnak thinlung he Pathian sin ah sual ngeihthiam ding in thlacam law hal ko.

A tang rihmi nan nunnak cu Pathian nih an pekmi man a ngeihnak hmunhma ah khan hmang,um law nun I tim. Hi thilthalomi chung hin a luatmi nan si khawhnak hnga ca reltu nan zapi Pathian nih thluachuahnak inpe ko hna seh.

Bible cacang rel dingmi, Rome 13:13 Chun ceu I a ummi bantukin nuncan dawh in nung u sih, aukhuang cercui in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, I si hlan u sih, I nahchuah hlah u sih.

Rome 13:14 Bawi Jesuh ziaza tu kha I lak u law pumsa duhnak tuah kha ngol u.

Be the first to comment

Leave a Reply

Your email address will not be published.


*