Tuksaphur Ngaingai Thawngpang: Japan Ram Namte Sawh Ruang Ah Siangngakchia Nute Pakhat Telh In Minung Pathum An Thi Tokyo khua pawng khua pakhat ah Bus motor a hngakmi siangngakchia pawl cu namte ai putmi pa pakhat nih nam in a sawh hna. Kawasaki myo I minung an umnak lam pakhat ah a cangmi namte in mithahnak ah a tlawmbik minung (18) nih hliam hma an put. Hliamhma a pumi hna lak ah kum (12) ngakchianu te le kum(39) pa pakhat cu an thi. Nam ai tleihmi pa a si tiah an zumhmi ap hi kum(50) a si I cu tiin mi nam in a sawh dih hna hnu ah a hngawng cu nam in ai at ve I siizung ah a nih cu a thi ve. Japan ram ah hin hi tiin mithyah lainawn hi a umlo khan a si ko nain zei ruang ah sah hi tiin a tuahnak hi a si timi hi a tu tiang ah an thei kho rih loh. Mi thattu pa hih ngakchiapawl nam in a sawh hna lio ah hin a kut pahnih in nam cu ai put. A sang hliamhma a putu hna hi siangngakchia lawngte an si. A thimi kum (39) pa hi sianghngakchia nu te I a pa a si tiah media pawl nih an langh ter. Japan Prime Minister Shinzo Abe nih he rapthlaktak thahnawmnak ah hin ka thin hi a hung taktak tiin a chim. Hi thilcang hi ngeigchiat awk taktak le cun thihlohnak le hliam a tongmi han caah an mah bantukin ka ngeih a chia ve tiin a chim. Thil Can Ningcang Park pakhat le railway station pakhat pawng ah Bus ai dinhnak ah May thla ni 28 an mah Japanese time zinglei suimilam (8) a tlin hlan ah hi thil hi a cang. Cu ka pawng hrawng ah cun Caritas elementary School le Catholic Private School ah a kai hnga dingmi sianghngakchia nih cu Bus Stop ah cun Bus cu an hngah lengmangnak hmun a si. Ai tlar in a dirmi ngakchia pawl pawng ah cun pa pakhat a rak rat cu ka hmuh tiah Caritas sianginn Bus a mongtu nih cun NHK news ah a chim.cu pa nih cun Bis cung ah kai ai timmi ngakchia pawl cu nam in a chunh hna I cu dih ah Bus cung ah a um cangmi pawl zong kha a chunhve hna tiah Japan ram ah BBC lei in tuanvo a ngeitu sin ah cun a chimn. Cu pa nih ngakchia nam in a sawh hna lio ah cun “Kan thah dih han lai” tiin a au I a chim tiah Kyodo news nih cun a chim. Cu pa cu Palik nih an tleih ko nain a mah tein a hngawng ah nam in ai at ve I siizung an phak ah a thi ve. Japan ram ah American President Donald trump zong a khualtlawn a donghnak ni a si I trump nih a thimi hna chung khar bantukin ka ngeih a chia ve I hliamhma a pumi han bantuk in kei zong nih ka tuar ve tiin a lung that lonak biaa chim. Japan Ram ah Hi Bantuk Thilkcang Hi a Um Tawn Maw? Japan ram ah hin hi bantuk thilcang hi aumlo tluk a si I Japan ram cu vawleicung ah mithah lainawnank a tlawmbiknak ram a si. “ Japan ram ah hin kum (4) tthi ngakchia hi an mah tein sianginn ah an kal lengmang ko. Hi ram ah cun security a that caah hi tiin an kal hi an tuahkel a si caah a si” tiah Japan ram I hrambunh BBC thawngla tu nih a chim. A sianin nai te ah khan namte sawhnak pakhat hnih cu aum tawn. 2016 kum lio ah thluak lei siizung ah rian a tuanmi pa pkaht nih minung (19) cu nam in a sawh hna.thluak a tlamtling lomi an umnak hnga lo tiah cupa nih cun a chim. 2001 kum lio zong ah pa pakhat nih Osaka myo I primary school chung ah a rak lut I sianghngakchia pawl cu nam in a rak sawh hna I minung (8) an rak thi. Source: BBC

May 28, 2019 admin 0

Tokyo khua pawng khua pakhat ah Bus motor a hngakmi siangngakchia pawl cu namte ai putmi pa pakhat nih nam in a sawh hna. Kawasaki […]