“2018-19 UEFA MEN’S PLAYER OF THE YEAR” Virgil Van Dijk kong thawngpang thar

Virgil van Dijk cu 2018-19 season chung ah UEFA Men’s Player of the Year caah an thim i, Van Dijk nih Lionel Messi le Cristiano Ronaldo hna cu a lonh hna.

Image result for virgil van dijk uefa player

 

UEFA Men’s Player of the Year conglomhnak voithum tiang a rak dong cang tu Cristiano Ronaldo le voihnih a rak dong cang tu Lionel Messi hna a van lonh tu kum 28 upa Dutch defender Van Dijk nih hin Monaco khuapi ah conglomhnak hi a dawn.

Image result for virgil van dijk uefa player

Liverpool defender Virgil van Dijk hlei ah Barcelona captain Lionel Messi le Juventus star Cristiano Ronaldo hna cu hi conglomhnak dong kho dingah chuahpi an si. A donghnak ah Van Dijk hi an van thim mi cu asi i, kum 2005 i Steven Gerrard hnu ah Liverpool player lak ah hi conglomhnak a dawng kho hmasa bik asi hlei ah Dutch player lak ah cun hi conglomhnak dawng kho hmasa bik zong a si fawn.

Van Dijk nih hin Defender of the Year conglomhnak zong a dawn chih i, Lionel Messi cu Forward of the Year caah an thim fawn. Frenkie de Jong cu Midfielder of the Year caah thim i, Alisson Becker cu Goalkeeper of the Year caah thim fawn.

A dih cang mi season ah khan Virgil van Dijk cu a tha ngaingai i, Jurgen Klopp thithruainak tangah Liverpool cu UEFA Champions League title a lak pi hna i, PFA Players’ Player of the Year caah an thim fawn. Kum 28 upa defender nih hin 2018-19 season chung ah khan ram le club caah game 59 a chuih.

Related image

Champions League semi final ah Liverpool nih Barcelona an tei i, mah an chuih ah hin free kick in dawh taktak in Van Dijk nih hin goal a thun. Europe ram chung bik i zuamnak ah hin voi 12 an chuihnak ah goal 2 a thun i, mi dang goal thun ding voihnih a tuah piak fawn hna. Premier League ahcun game 38 a chuih i, mah ah cun goal 4 a thun hlei ah midang goal thun ding voi 2 a tuah piak fawn hna.

Be the first to comment

Leave a Reply

Your email address will not be published.


*